Në bazë të nenit 28 pika 8 e Rregullores së Maturës Shtetërore 2016:
Maturanti/kandidati ka të drejtë të kërkojë fotokopjen e testit të tij pas përfundimit të të gjitha provimeve, me një kërkesë drejtuar KSHMSH-së, e cila do t'i kthejë dhe përgjigjen. Afatet e kërkesës përcaktohen me udhëzim të veçantë të Ministrit Arsimit dhe Sportit. Proces rivlerësimi të testit nuk do të ketë.
1- 27.06.2016 deri 01.07.2016: Maturanti/kandidati bën kërkesën e tij në shkollë për fotokopje të provimeve D3, D1 të Maturës Shtetërore 2016. Bashkë me kërkesën dorëzon faturën për arkëtim.
2- 01.07.2016 deri 06.07.2016: Maturanti/kandidati bën kërkesën e tij në shkollë për fotokopje të provimit D2 të Maturës Shtetërore 2016. Bashkë me kërkesën dorëzon faturën për arkëtim.
3- Brenda datës 04.07.2016: KMSH e DAR/ZA dorëzon në AKP listën e kërkesave për provimet D3 dhe D1.
4- Brenda datës 08.07.2016: KMSH dorëzon në DAR/ZA listën e kërkesave për provimin D2.
5- Brenda datës 10.07.2016: DAR/ZA dorëzon në AKP listën e kërkesave për provimin D2.
6- Brenda datës 10.07.2016: AKP përcjell në KMSH e DAR/ZA fotokopjet e testeve D3,D1 sipas kërkesave të maturantëve/kandidatëve.
7- 09.07.2016 deri 16.07.2016: Nxënësi bën kërkesën në shkollë për fotokopje të testeve Z1Z2.
8- Brenda datës 18.07.2016: Shkolla e përcjell në DAR/ZA listën e kërkesave për provimet Z1Z2.
8- Brenda datës 20.07.2016: DAR/ZA përcjell listën e kërkesave pranë AKP.
Njoftohen të gjithë maturantët/kandidatët, të cilët kanë dhënë provimet me zgjedhje të MSH 2016, TOEFL Junior Standard Test, se në bazë të rregullave të përcaktuara nga Educational Testing Service (ETS), maturanti/kandidati nuk ka të drejtë të kërkojë fotokopje të tekstit të testit dhe të fletës së përgjigjes.